Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Язгы чакырылышта 30 яшь апаслы хәрби хезмәткә чакыру алачак
Булачак солдатларыбызның 25 проценты югары белемле.
(Апас, 19 апрель, "Татар-информ", "Йолдыз", Ришат Җамалиев). Бу язгы чакырылышта 30 яшь апаслы хәрби хезмәткә чакыру алачак. Булачак солдатларыбызның 25 проценты югары белемле. 60 процент өлеше хәрби хезмәткә махсус урта белемле һәм беренчел хәрби һөнәрле булып бара. Бу язда хәрби хезмәткә китүче апаслыларның 15 проценты тулы урта белемле, дип яза район газетасы.
18 апрелдә Апастан Рушан Сәлахов, Шыгайдан Булат Мөхетдинов, Карамасардан Илмир Сәлимгәрәев һәм Тутайдан Илнур Минһаҗетдинов беренче партия булып армия хезмәтенә кузгалдылар.
– Миңа хәрби хезмәт җиңел биреләчәк дип уйлыйм. Беренчедән, спорт белән дус булдым. Икенчедән, техникум дипломым, беренчел хәрби һөнәрем бар. Өченчедән, бик тә солдат буласым килә. Әтием дә армиядә хезмәт итеп кайткан. Мин кемнән ким, – ди апаслы Рушан Сәлахов.
– Минем әтием диңгез пехотасы, флотта хезмәт иткән. Тельняшкалы егетләрне кызлар да ярата, – ди карамасарлы Илмир Сәлимгәрәев. – Повестка алганчы Буа ветеринария техникумын тәмамлап өлгердем. 1 елдан авылыма, әти-әнием, туганнарым янына исән-имин әйләнеп кайткач, югары белем алырга ниятем бар. Ә армиядә булучыларга укырга керүе бик җиңел хәзер, – дип уй-хыяллары белән белән уртаклаша.
Тутайлы Илнур Минһаҗетдинов белән Шыгайдан Булат Мөхетдинов армиягә хәрби техник-механик таныклыгы белән бара. – Апас аграр көллиятендә безне армиягә хезмәткә бик яхшылап әзерләделәр, – ди Илнур. – Укытучыларым, туганнарым, әти-әнием йөзенә тап төшермәм, яхшы итеп хезмәт итәчәкмен!
Солдат әниләре болай диделәр:
– Газиз балаңны билгесезлеккә чит җирләргә хәрби хезмәткә озатуы җиңел түгел инде ул. Тик ирләребез бүген дә солдат елларын зур горурлык белән искә төшерәләр. Улларыбыз да армиягә үзләре теләп, яшьтәшләре белән бергә китәбез дип хыялланып үсте. Юлларыгызга ак җәймә, балалар!
Иртәнге алтыда Казан “Патриот” Үзәгенә махсус автобус көткән арада егетләр дә үз сүзләрен әйтеп калырга ашыкты:
- Сөйгән ярларыбыз, әти белән әнине, туганнарыбызны шатландырып 1 елдан соң Апаска әйләнеп кайткач та, хәрби киемнәрдән бергәләп кочаклашып авыл урамнарын урарбыз әле. Бездән яхшы хәбәрләр, җылы хатлар көтегез. Сынатмаска сүз бирәбез Апас!
.
Кызыклы яңалыкларны күзәтеп бару өчен Телеграм-каналга язылыгыз