Фән һәм мәгариф 6 декабрь 2014 15:19

Яз көне уку йортларына БДИ буенча керү балларын күтәрәләр

Вице-премьер Ольга Голодец сүзләренчә, белем бирүнең барлык дәрәҗәләрендә сыйфат арттыру буенча чаралар күрү зарур

Скопировать ссылку

(Казан, 6 декабрь, «Татар-информ»). Хөкүмәт яз көне вузларга керү өчен БДИ буенча узу балларын арттыру турында карар әзерләячәк, дип хәбәр итте вице-премьер Ольга Голодец.

«Вести в субботу» программасына биргән интервью барышында алып баручының, Россия Президентының Хөкүмәткә БДИ буенча узу балларын арттыру турындагы йөкләмәсе кайчан үтәләчәк, дигән соравына ул: "Яз көне үтәләчәк", - дип җавап бирде.

Вице-премьер сүзләренчә, белем бирүнең барлык дәрәҗәләрендә сыйфат арттыру буенча чаралар күрү зарур. "Бу мәктәпләргә яңа таләпләр дә, вузларга яңа таләпләр дә, хәзерге вакытта сыйфатлы белем бирү курсы өчен мәҗбүригә әверелүче профстандарт кирәк", - дип ассызыклады ул.

Искәртеп узабыз: ноябрь азагында Россия Президенты Владимир Путин вузларга керү өчен минималь БДИ балларын арттыруны йөкләгән иде, дип хәбәр итә "Интерфакс".

Сәхифәләр

Яз көне уку йортларына БДИ буенча керү балларын күтәрәләр