Ятим балалар өчен 305 торак бина Татарстан милке итеп алынган
Ятим балаларга торак фондыннан фатир яллау килешүе буенча 203 торак бина бирелгән.
(Казан, 9 декабрь, «Татар-информ»). Ятим балалар һәм ата-ана тәрбиясеннән мәхрүм калган балалар хокукларын гамәлгә ашыру программасы буенча фатир белән тәэмин итү өчен 305 торак бина Татарстан Республикасы милке итүгә килешү төзелгән. Бу хакта Татарстан Хөкүмәте йортында киңәшмәдә республика төзелеш, архитектура һәм Торак-коммуналь хуҗалык министрының беренче урынбасары Алексей Фролов хәбәр итте, дип яза Татарстан Президенты матбугат хезмәте.
Республиканың барлык муниципаль районнары белән видеоконференияне Татарстан Републикасы Президенты Рөстәм Миңнеханов үткәрде. Киңәшмәдә Татарстан Премьер-министры Алексей Песошин катнашты.
Рөстәм Миңнеханов 2017 елда программа кысаларында ятим балаларны торак белән тәэмин итү процессын катгый контрольдә тотарга йөкләде.