Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Яшүсмерләргә каникул вакытында ял көннәрендә эшләргә рөхсәт итәргә мөмкиннәр
Дәүләт Думасында яшүсмерләргә җәйге каникул вакытында ял көннәрендә эшләргә рөхсәт бирү турында инициатива әзерлиләр, дип белдерде Дума депутаты Михаил Киселев Telegram-каналында. Бу хакта РИА Новости яза.
«Яшүсмерләргә ял көннәрендә эшләргә рөхсәт итәргә кирәк дигән инициатива белән чыктым. Хезмәт һәм социаль яклау министрлыгы аны хуплады. Думадагы комитетларда әлеге закон проекты хакында фикер алышачакбыз. Шуны искәртәсем килә, биредә бары тик җәйге каникуллар вакытында гына ял көннәрендә эшләргә рөхсәт итү, шул ук вакытта эш көненең озынлыгын саклау хакында сүз бара», - дип язган ул.
Аның сүзләренчә, каникул вакытында яшүсмерләр күбесенчә ял көннәрендә уза торган мәдәни-күңел ачу чараларында, фестивальләрдә, форумнарда эшли. Депутат искәрткәнчә, хәзерге вакытта балигъ булмаган балалар өчен кыскартылган эш көне (14-15 яшьлекләр өчен – көненә 4, 15-16 яшьлекләр өчен – көненә 5, 16-18 яшьлекләр өчен көненә 7 сәгатьтән дә артык түгел) каралган.
Кызыклы яңалыкларны күзәтеп бару өчен Телеграм-каналга язылыгыз