Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
XXIII Мәскәү халыкара Коръән укучылар бәйгесендә Россияне Ясир Додарбеков тәкъдим итәчәк
16 октябрьдә Мәскәү Җәмигъ мәчетенең конференцияләр залында XXIII Мәскәү халыкара Коръән укучылар бәйгесе башлана. Чараны Россия Федерациясе мөселманнары Диния нәзарәте Мөхәммәд бин Зәйд (Берләшкән Гарәп Әмирлекләре) исемендәге Гуманитар фәннәр университеты белән берлектә оештыра. Бу хакта Россия Мөфтиләр шурасының матбугат хезмәте хәбәр итә.
Зур халыкара вакыйгада катнашу өчен 30 илдән иң көчле Коръән укучылар җыелачак. Бәйге «Тиләвә» (Изге Коръән текстларын оста уку) номинациясендә уза.
XXIII Мәскәү халыкара Коръән укучылар конкурсында Россияне кичә бәйгенең Бөтенроссия сайлап алу турында җиңгән Хафиз Ясир Додарбеков тәкъдим итәчәк.
Ясиргә - 24 яшь. Ул Мисырда 9 яшьтән 11 яшькә кадәр мөселманнарның изге китабын укырга өйрәнә. Күп тапкырлар Россия күләмендәге һәм халыкара Коръән уку конкурсларында катнашкан һәм призер булган, шул исәптән узган ел Казанда БРИКС илләренең Изге Коръән Премиясендә илебезне тәкъдим иткән. Хәзерге вакытта Ясир Додарбеков Саратов шәһәренең Җәмигъ мәчетендә имам булып эшли, Саратовның «Шәех Сәет» мәдрәсәсендә шәкертләрне Коръән укырга өйрәтә, шулай ук медицина университетының дүртенче курсында укып (аның урта һөнәри медицина белеме бар инде), стоматолог һөнәрен үзләштерә.
Кызыклы яңалыкларны күзәтеп бару өчен Телеграм-каналга язылыгыз