Авыл 2 сентябрь 2018 09:00

Яшел Үзәннең Олы Ачасыр авылында грант акчасына Җәйге бәйге бакчасы төзекләндерелә

Әлеге эшкә 1 миллион сум тотылачак.

Скопировать ссылку

(Казан, 2 сентябрь, "Татар-информ", "Яшел Үзән", Гүзәл Минһаҗева). Яшел Үзән районы Олы Ачасыр авыл җирлеге 1 миллион сум грант акчасына авылның Җәйге бәйге бакчасын төзекләндерүгә тота. Бу хакта район басмасы хәбәр итә.

Мондый матур урын районда башка авылларда юк, дисәк тә дөрес булыр. Биредә гомер-гомергә авылдашлар җыелып күңел ачты. Элек бу тирәдә Сабан туе да үткәрелә иде, дип сөйли авылның аксакаллары. Җәйге бакчага куелган таган да яшь җилкенчәкне үзенә тартып торды, кичке уеннарда яшьләр берсе белән танышты, кавышты. Әмма бер генә нәрсә дә мәңгелек түгел.

"Бу урын күптән төзекләндерүне көтә иде инде. Юкәләр дә картайдылар, корыдылар. Хәзер биредә бөтенләй башкача булачак, - дип шатлыклары белән уртаклаша авылдашлар".

#яшел үзән #грант #бакча

Сәхифәләр

Яшел Үзәннең Олы Ачасыр авылында грант акчасына Җәйге бәйге бакчасы төзекләндерелә