Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзәндә янгын сүндерүчеләр Кемерово фаҗигасе корбаннарын искә алдылар
Яшел Үзән коткаручылары бу көнне алар истәлегенә сиреналарны һәм янгын машиналары утларын кабызды.
(Яшел Үзән, 29 март, «Татар-информ», «Яшел Үзән», Әлфия Зыякаева). Кемеровода булган куркыныч янгын нәтиҗәсендә һәлак булганнарны янгынга каршы федераль хезмәтнең 8нче отряды хезмәткәрләре искә алды, дип яза җирле басма.
Дини конфессияләр вәкилләре катнашында янгын сүндерүчеләр Яшел Үзән янгын-коткару гарнизонының дини корылмаларында булып, гыйбадәт кылды. Православие гыйбадәтханәсендә дини чараны Яшел Үзән округы протеирее Святослав алып барса, мөселман гыйбадәтханәсендә Коръән сүрәләрен район мөхтәсибе Габделхәмит хәзрәт Зиннәтуллин укыды.
Шуны билгеләргә кирәк, һәр кизү тору көнендә һәм төнендә янгын сүндерүчеләр гадәттән тыш килеп чыккан фаҗигаләрне юкка чыгарырга беренчеләрдән булып бара. ФПСның Татарстан Республикасы буенча 8нче отряды җитәкчесе Зөфәр Халиуллин сүзләренә караганда, янгын сүндерүчеләр янгынның кешеләргә нинди кайгы китерүен ишетеп түгел, күреп белә. Шуңа күрә бу зур фаҗига корбаннарын алар да искә ала. Яшел Үзән янгын-коткару гарнизоны җитәкчесе янгында һәлак булучыларның якыннарының олы кайгысын уртаклаша. Яшел Үзән коткаручылары бу көнне алар истәлегенә сиреналарны һәм янгын машиналары утларын кабызды.
Кызыклы яңалыкларны күзәтеп бару өчен Телеграм-каналга язылыгыз