Җәмгыять 16 декабрь 2009 16:25

Яшел Үзәндә тоткыннарны вакытлыча тоту шартларын яхшырттылар

Яшел Үзәндә тоткыннарны вакытлыча тоту изоляторы ачылды

Скопировать ссылку

(Казан, 16 декабрь, «Татар-информ», Артур Еникеев). Бүген Яшел Үзәндә тоткыннарны вакытлыча тоту буенча яңа изолятор ачтылар.
Изолятор ачу тантанасында ТР эчке эшләр министры Әсгать Сәфәров, Яшел Үзән муниципаль районы башлыгы Радик Хәсәнов, шулай ук Яшел Үзән муниципаль районы җитәкчелеге һәм хокук саклау органнарының шәхси составы катнашты.
ТР буенча Эчке эшләр министрлыгы җитәкчесе сәламләү сүзендә: “Катлаулы вакыт булуга карамастан, без бәйрәм ясарга мөмкинлек табабыз. ТР буенча эчке эшләр министрлыгы җитәкчелеге башта шартлар тудырырга кирәк, аннары - нәтиҗә таләп итәргә дигән принципта эшли. Менә хәзер Татарстан Республикасы Хөкүмәте ярдәме белән Яшел Үзән районында шундый яңа бина ачылды, без һөнәри уңышлар көтәргә хокуклы”, - дип билгеләп үтте.
Төзүчеләр объектны планлаштырылган сроктан ярты елга иртәрәк тапшырдылар. Хәзер ТР буенча Эчке эшләр министрлыгының Яшел Үзән штабы карамагында Ауропа стандартларына җавап бирә торган изолятор.
Әсгать Сәфәров ТР Буенча Эчке эшләр министрлыгы республиканың эчке эшләр хезмәткәрләре гаиләләренә ярдәм итә һәм Яңа елга кадәр тагын 100 милиция гаиләсе “өй туе” үткәрәчәк, дип тә белдерде.

Сәхифәләр

Яшел Үзәндә тоткыннарны вакытлыча тоту шартларын яхшырттылар