Яшел Үзәндә түбәдән төшкән кар бер ир-атны күмеп китә язган
Гадәттән тыш хәл Фрунзе урамындагы 9а йортында булган.
Скопировать ссылку
(Казан, 26 февраль, «Татар-информ»). Яшел Үзәндә түбәдән төшкән кар бер ир-атны күмеп китә язган. Социаль челтәрләрдән файдаланучылар шул хактагы видеоязма урнаштырган.
Гадәттән тыш хәл Фрунзе урамындагы 9а йортында булган. Видеокадрлардан күренгәнчә, ир-ат болдырга чыгып, телефоннан сөйләшеп тора. Кайсыдыр мизгелдә түбәдән кар килеп төшә һәм ир-ат аздан гына шуның астында күмелеп калмый.