Яшел Үзәндә POZIS заводы цехына ут капкан
Урында янгын сүндерүчеләр эшли.
Скопировать ссылку
(Казан, 9 июнь, «Татар-информ»). Яшел Үзәндә POZIS заводы цехларының берсе яна. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән җиткерделәр.
Янгын турындагы хәбәр 112 бердәм коткару хезмәтенә 7.20 сәгатьтә килеп ирешә. Янгын яңа төзелгән цехларның берсендә чыккан, диелә.
Урында янгын сүндерүчеләр һәм башка хезмәтләр эшли. Янгынның сәбәпләре ачыклана.
