Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзәндә 23 яшьлек егет күлдә батып үлгән
Егет 50 метр тирәсе йөзгәннән соң су астына китә.
(Яшел Үзән, 5 июнь, «Татар-информ», «Яшел Үзән», Резидә Йосыпова). Шәһәр күлендә кеше батып үлүе турында Бердәм диспетчерлык хезмәтенә һәлак булучының иптәше хәбәр итә. Урынга Яшел Үзән янгын-коткару гарнизоны, полиция, медицина ярдәме күрсәтү хезмәткәрләре чыга, дип яза җирле басма.
Суга батучының иптәшләре сөйләвенчә, төнлә алар компания белән күл буенда ял иткәннәр, исерек булганнар. Кайсыдыр мизгелдә 23 яшьлек егет агач конструкциядән суга сикерә һәм күл уртасындагы фонтанга таба йөзә башлый. 50 метр тирәсе йөзгәннән соң су астына китә.
Фаҗига чыккан урынга Казаннан зона эзләү-коткару отряды хезмәткәрләре чакыртыла. Егетнең гәүдәсен водолазлар судан иртәнге дүртләрдә чыгара.
Яшел Үзән янгын-коткару гарнизоны һәм ГИМС хезмәткәрләре халыкны кисәтеп шуны җиткерә: махсус җиһазландырылмаган урыннарда коенырга ярамый. Салмыш килеш бигрәк тә. Балаларны да су буйларында караучысыз калдырмагыз.
Кызыклы яңалыкларны күзәтеп бару өчен Телеграм-каналга язылыгыз