Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзән суднолар төзү заводы үз хезмәткәрләренә йорт сала
Фатирлар завод эшче-хезмәткәрләренә заводта 10 ел эшләү һәм 15 ел дәвамында сатып алу хокукы белән аренда килешүе буенча бирелә.
(Яшел Үзән, 8 сентябрь, «Татар-информ», «Яшел Үзән»). З0 августта, Яшел Үзән суднолар төзү заводы Республика көненә багышлап, торак йортка нигез ташы салу тантанасын үткәрде. Бу йорт - «Кызыл металлист» торак комплексының чираттагы бинасы. Биш катлы, дүрт подъездлы йорт 70 гаиләне бәхетле итәчәк. Чөнки бу йортлар махсус завод эшчеләре өчен салына, дип яза җирле басма.
Моңа кадәр ике йорт төзелде инде, монысы – өченчесе. Беренчесе, Фрунзе урамындагысы 10 катлысы, 2013 елда файдалануга тапшырылды. Икенчесе дә узган ел кулланышка бирелде. Квартирлар чиста, күчен дә яшә генә!
«Кызыл металлист» торак комплексы 10 йорттан торачак. 6сы – 10, 4се биш катлы булачак. Әлеге комплекс тулысынча 2030 елда төзелеп бетәчәк, ди завод җитәкчелеге. Фатирлар завод эшче-хезмәткәрләренә заводта 10 ел эшләү һәм 15 ел дәвамында сатып алу хокукы белән аренда килешүе буенча бирелә.
Кызыклы яңалыкларны күзәтеп бару өчен Телеграм-каналга язылыгыз