Җәмгыять 27 декабрь 2006 14:45

Яшел Үзән студентлары иң яхшыларын билгеләделәр

Скопировать ссылку

(Яшел Үзән, 27 декабрь, “Татар-информ”, Юлия Демченко). Кичә “Родина” Мәдәният йортының концертлар залында Икътисад, идарә һәм хокук институтының Яшел Үзән филиалы студентлары өчен Яңа ел кичәсе узды. Бәйрәм концерты узып баручы елга нәтиҗәләр чыгаруга һәм иң яхшыларны сайлап алуга багышланган иде.

Шул рәвешчә, “Альтернатива” студентлар газетасы мөхәррире Римма Хәйруллина “Ел студенты” булды, 141нче төркем “Иң яхшы төркем” дип танылды. “Иң яхшы компьютерчы” номинациясендә информатика укытучысы Татьяна Исаева җиңү яулады, тарих һәм җәмгыять белеме укытучысы Флүрә Ганиева “Иң яхшы педагог” булды. Директорның уку-тәрбия эше буенча урынбасары Рәмзия Бикмуллина “Иң яхшы тәрбия” дип билгеләнде. Ә аның ярдәмчесе Гөлнара Зәйдуллина “Иң яхшы оештыручы” булды. “Иң яхшы декан” исеменә икътисад факультетыннан Татьяна Голубева лаек булды. “Иң яхшы директор” исә - Икътисад, идарә һәм хокук институтының Яшел Үзән филиалын күп еллар җитәкләгән Надежда Евстафьева.

Барлык җиңүчеләр дә грамоталар һәм сувенирлар алды. Бу кичтә күп санлы тамашачылар алдында “Скитлс” данс-шоу, “Экспромт” театр студиясе һәм филиалның иң яхшы җырчылары чыгыш ясады.

Сәхифәләр

Яшел Үзән студентлары иң яхшыларын билгеләделәр