Хәвеф-хәтәр 22 сентябрь 2016 19:59

Яшел Үзән станциясендә линия полициясе пунктының эллеккеге җитәкчесе кулга алынган

Полицейскига карата җинаять эше ришвәт һәм хезмәт урынындагы вәкаләтләрен арттырган өчен кузгатыла.

Скопировать ссылку

(Казан, 22 сентябрь, «Татар-информ»). Яшел Үзән станциясе Линия полициясе пунктының элеккеге җитәкчесенә карата “Хезмәт урынындагы вәкаләтләрне арттыру” һәм “ Хезмәт вазифаларын башкаручы кешенең ришвәт алуы” маддәләре буенча җинаять эше кузгатылды, дип хәбәр итә Татарстан транспорт прокуроры өлкән ярдәмчесе Евгений Дикарев.

Тикшерү фаразлавынча, полицейский, “РЖД” ААҖе мөлкәтен урлаганда җинаятьчеләрне тоткарламыйча, аларга урланган әйберләре белән китәргә мөмкинлек биргән. Шуның өчен ул алардан 500 мең сум акча таләп иткән.

Шулай да, Евгений Дикарев сүзләренчә, полицейский әлеге теләген тормышка ашыра алмый, җинаятьчеләрне Россия Эчке эшләр министрлыгының Казан линия идарәсе оператив хезмәткәрләре тоткарлый.

Хәзерге вакытта Яшел Үзән станциясе Линия полиция пунктының элеккеге җитәкчесе сак астында. Аңа 12 елга ирегеннән мәхрүм ителү куркынычы яный.

#Җинаять эше

Сәхифәләр

Яшел Үзән станциясендә линия полициясе пунктының эллеккеге җитәкчесе кулга алынган