Җәмгыять 16 ноябрь 2016 17:11

Яшел Үзән шәһәрендә Сталин һәйкәле куелырга мөмкин

Татарстанның Яшел Үзән шәһәрендә Сталин һәйкәле куеп, "коммунистлар скверы" булдырырга телиләр.

Скопировать ссылку

(Казан, 16 ноябрь, "Татар-информ", Алексей Анисимов). Яшел Үзәндә Сталин һәйкәле белән “коммунистлар скверы” барлыкка килергә мөмкин, дип хәбәр итә “Яшел Үзән яңалыклары” порталы.

Яңа сквер концепциясен Яшел Үзән муниципаль районы шәһәр төзелеше советында шәһәрнең баш архитекторы Юрий Герасимов тәкъдим итте. Сквер идеясенең авторы – КПРФ ның шәһәр комитеты вәкиле Владимир Братухин.

"Яшел Үзәнгә нәкъ Совет хакимияте чорында 1932 елда нигез салынган, – дип сквер төзү мөмкинлеге турында Владимир Братухин шәрехләде. – Димәк, безнең шәһәр яшәеше Совет хакимиятенә бурычлы. Бу тарихи факт, ә тарихны үзгәртеп язарга ярамый – аны хөрмәт итәргә кирәк”.

Идея авторы сквер проекты шәһәр халкында ризасызлык уятыр дип курыкмый. “Иң мөһиме Яшел Үзән халкына безнең фикерне дөрес аңлатырга кирәк. Скверда шулай ук башка танылган коммунистлар барельефларын урнаштыру планлаштырыла”, – диде Владимир Братухин.

#Яшел Үзән #Сталин #КПРФ

Сәхифәләр

Яшел Үзән шәһәрендә Сталин һәйкәле куелырга мөмкин