Авыл 18 ноябрь 2018 12:36

Яшел Үзән районының Әйшә авылы халкы үзара салым буенча референдумда актив катнаша

Әйшә халкы үзара салым программасы буенча җыелган акчаларны юлларны төзекләндерүгә һәм кардан чистартуга, урамнарны яктыртуга тотачак.

Скопировать ссылку

(Яшел Үзән, 18 ноябрь, "Татар-информ", "Яшел Үзән"). Яшел Үзән районының Әйшә авылы халкы үзара салым буенча референдумда актив катнаша. Бу хакта "Яшел Үзән" газетасы хәбәр итә.

Н. Баязитов исемендәге Әйшә район мәдәният йортындагы 1542 номерлы сайлау участогында рефрендум барышын төрле партия әгъзалары күзәтә.

"Парнас", "Яблоко", "Бердәм Россия" партияләре, "Гадел сайлаулар өчен" хәрәкәте күзәтчеләре белән тартмаларны беркеттек, сайлаучыларның исемлеген тикшердек, алдан тавыш бирү бюллетеньнәрен салдык", - дип сөйләде участок сайлау комиссиясе җитәкчесе Елена Шәмсетдинова.

Әйшә халкы үзара салым программасы буенча җыелган акчаларны беренче чиратта юлларны төзекләндерүгә һәм кардан чистартуга, урамнарны яктыртуга тотуны планлаштыра, диде Әйшә авылы башлыгы Радик Гәләвиев.

#үзара салым #референдум

Сәхифәләр

Яшел Үзән районының Әйшә авылы халкы үзара салым буенча референдумда актив катнаша