Яшел Үзән районында җиңел машина юлны икегә бүлүче полосага чыгып, койманы җимергән
Юл һәлакәте бүген иртән Казан – Яшел Үзән трассасында булган.
Скопировать ссылку
(Казан, 23 декабрь, «Татар-информ»). Яшел Үзән районында җиңел автомобиль юлны икегә бүлә торган полосага чыгып, тимер койманы җимергән. Бу хакта «Татар-информ» агентлыгына әлеге аварияне үз күзләре белән күргән кеше хәбәр итте.
Юл һәлакәте бүген иртән Казан – Яшел Үзән трассасында Яңа Тура авылы янында килеп чыккан.
Авариядә зыян күрүчеләр булганмы-юкмы икәнлеген ачыклыйлар.