Авыл 18 ноябрь 2018 14:39

Яшел Үзән районы Норлат авылында референдум өч участокта уза

Быел үзара салым акчасы 200 сумнан билгеләнгән.

Скопировать ссылку

Яшел Үзән, 18 ноябрь, "Татар-информ", "Яшел Үзән", Алия Гаязова). Бүгенге референдум Яшел Үзән районының Норлат авылында оешкан төстә уза. Авыл җирлегендә, клубта һәм Косякау авылында өч участок эшли. Бу хакта "Яшел Үзән" газетасы хәбәр итә.

Норлатлылар референдумда катнашып, бердәмлекләрен күрсәтә. Быел үзара салым акчасы 200 сумнан билгеләнгән.

"200 сум күп түгел, әле бер сумга өстәп дәүләт дүрт сум биргәнне дә исәпкә алсак, ярыйсы гына сумма килеп чыга һәм бу мөмкинлекне кулдан ычкындырырга ярамый. Шуңа да вакытым булуга, референдумда катнашып, бурычымны үтәдем", - дип сөйли исемен әйтергә теләмәгән абзый.

"Бүгенге көндә ниндидер эш башкарганда, әнә башлык эшләсен дип кенә авыл җирлегенә аударып калдыру дөрес гамәл түгел. Кешечә матур итеп яшим дисәң, үзеңнән дә өлеш кертергә кирәк. Үзара салым программасы шәһәрдә юк, ә шәхси секторда яшәүчеләр шат булыр иде. Ни өчен дигәндә, үз йортлары белән торучыларның да тигез юлдан йөриселәре килә", дип яза район басмасы.

#үзара салым #референдум

Сәхифәләр

Яшел Үзән районы Норлат авылында референдум өч участокта уза