Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзән мэры сукбай хайваннарны контрольдә тотуны көчәйтергә чакырды
Михаил Афанасьев сукбай хайваннарны аулау өчен мөмкинлекләр эзләргә кушты.
(Казан, 30 апрель, «Татар-информ», Гүзәл Хөсәенова). Яшел Үзән мэры Михаил Афанасьев, Осиново бистәсендә 11 яшьлек балага этләр һөҗүм иткәннән соң, сукбай хайваннарны контрольдә тотуны көчәйтергә чакырды.
Район башлыгы урыннарда эшнең көчәйтелергә тиешлеген искәртте. Ул сукбай хайваннарны аулау өчен мөмкинлекләр эзләргә кушты.
«Сез урыннарда эшлисез, сукбай этләр җыела, йөри торган урыннарны, аларны кемнәрнең ашатуын яхшы беләсез. Иминлеккә куркыныч янавы турында шикаять килде, моңа кичекмәстән җавап бирергә кирәк! Юкса, кадрларны алыштырырга туры киләчәк!» - дип белдерде Афанасьев.
Ул билгеләп үткәнчә, кичәге хәлдән соң «Кот и пес» зооприюты хезмәткәрләре 11 этне тоткан. Бу эш дәвам итәчәк.
«Татар-информ» агентлыгы Осиновода 11 яшьлек баланы эт тешләве хакында хәбәр иткән иде. Аны Республика балалар клиник хастаханәсенә китергәннәр. Хәзер ул реанимациядә, хәле авыр, әмма тотрыклы. Әлеге факт буенча җинаять эше кузгатылган.
Кызыклы яңалыкларны күзәтеп бару өчен Телеграм-каналга язылыгыз