Спорт 13 февраль 2015 08:44

Яшел Үзән башлыгы призына чаңгы ярышы була

Анда яшелүзәнлеләр дә, читтән килгән спортчылар да катнаша ала

Скопировать ссылку

(Казан, 13 февраль, “Татар-информ”). Бу якшәмбедә Яшел Үзәннең “Маяк” спорт комплексында район башлыгы призына чаңгы ярышлары була.

Ярышларда яшелүзәнлеләр дә, читтән килгән спортчылар да катнаша ала. Старт 12 сәгатьтә бирелә. Хатын-кызлар һәм ирләр төрле дистанцияләрдә ярышачак. Ирләр: 18 яшькә кадәр 20 чакрымга, 18дән 39га кадәр 50 чакрымга, 40 яшьтән дә өлкәнрәкләр 30 чакрымга йөгерәчәк; хатын-кызлар: 18 яшькә кадәр – 10 чакрымга, 18дән 39 яшькә кадәргеләр – 30 чакрымга, 40 һәм аннан да өлкәнрәкләр – 10 чакрымга.

Ярышта катнашу өчен заявканы алдан Яшьләр эшләре һәм спорт идарәсенә бирергә була. Белешмәләр өчен телефон: 8(84371) 4-67-39. Бу хакта Яшел Үзән җирле басмасы яза.

Сәхифәләр

Яшел Үзән башлыгы призына чаңгы ярышы була