Яшь картингчылар Татарстан Эчке эшләр министрлыгы кубогы өчен көрәште
Ярышларда Татарстанның 30 шәһәреннән һәм районыннан 68 узышчы катнашты.
Скопировать ссылку
(Казан, 21 октябрь, “Татар-информ”). Казанда балалар һәм яшүсмерләр арасында картинг буенча Татарстан Эчке эшләр министрлыгы кубогына традицион ярышлар узды. Бу хакта Татарстан Спорт министрлыгының матбугат хезмәте хәбәр итә.
- Ярышларда Татарстанның 30 шәһәреннән һәм районыннан 68 узышчы катнашты. Ярышлар ике категориядә: 9 - 11 һәм 12 – 15 яшьлек яшь картингчылар арасында барды.
Кечкенә яшьтәгеләр категориясендә Мөслим районыннан килгән Солтан Йосыпов җиңүче булды. 2нче урынны - Чаллыдан Азат Бәдретдинов, 3нче урынны Казаннан Даниэль Гатиятуллин яулады.
Өлкәннәр төркемендә беренче булып финишка Казаннан Инсаф Садриев килеп җитте. 2нче урынга - Арча районынан Рәсим Шәмсетдинов, 3нче урынга Әлмәт районыннан Юлия Абрамова чыкты.