Яшел Үзәндә хатын-кыз автомобильчеләр бәйгесе җиңүчеләре билгеле
Скопировать ссылку
Яшел Үзән механика көллиятенең укыту мәйданчыгы территориясендә Дәүләт автоинспекциясе бүлеге һәм «Юл хәрәкәте иминлеге» ДБУ белән «Автоледи-2024» машина йөртү осталыгы бәйгесе уздырды, анда 11 машина йөртүче катнашты. Бу хакта «Яшел Үзән» хәбәр итә.
Бәйгедә катнашучылар юл хәрәкәте кагыйдәләре буенча тестлар үтте һәм тиз арада классик маневрлау осталыкларын күрсәтте.
1 урынны Валентина Хаҗиева, 2 урынны Гөлнара Кочнева, 3 урынны Ирина Бурхан алды.
Муниципаль конкурста җиңү яулаган Валентина Хаҗиева Яшел Үзән районы данын Казанда «Автоледи-2024» республика бәйгесендә яклаячак.