Яшел Үзәндә урам бәйрәмендә җыелган акча махсус хәрби операциягә ярдәм фондына тапшырыла
Скопировать ссылку
Яшел Үзән районы Мулла Иленең югары башында урам бәйрәме узды. Мондый матур очрашу икенче ел оештырыла. Бу хакта «Яшел Үзән» сайтында хәбәр ителә.
Бәйрәмдә тәмле чәй, кайнар коймак, матур жырлар, күңелле уеннар тәкъдим ителде, хәйрия лотореясы уйнаттылар. Җыелган акчаны Норлатның махсус хәрби операциягә ярдәм итү фондына тапшыралар.
Бу урамда яшәүче Рәмзия Хәлилова ерак юлдан - хаҗ сәфәреннән кайткан. Ул да хис-кичерешләре белән уртаклашты.
«Ә уеннар бик тә үзенчәлекле һәм кызыклы иде. Оештыручыларга афәрин һәм зур рәхмәт. Менә шулай бер җыелу, сөйләшеп аралашу үзе ни тора», диелгән хәбәрдә.