Яшел Үзәндә «Махсус хәрби операциядә фронтка ярдәм иткәне өчен» медальләре тапшырылды
Яшел Үзән районының Идел аръягы зонасында яшәүче сигез кеше – җиде хатын-кыз һәм бер ир-ат «Махсус хәрби операциядә фронтка ярдәм иткәне өчен» медальләренә лаек булды. Бу хакта «Яшел Үзән» сайтында Илсөя Садыйкова яза.
Бу якташларыбыз өч ел дәвамында хәрбиләргә ярдәм итү өчен барысын да эшли: җылы әйберләр тегә һәм бәйли, өй ризыгы әзерли, посылкалар һәм хатлар җыя. Аларның хезмәте – тыл белән алгы сызыкны тоташтыручы күпер булып тора.
«Өмет» штабы волонтерлары җибәргән һәр әйбер кайгыртуны, ышаныч һәм мәхәббәтне белдерә. Мондый кешеләр ярдәмендә, хәтта өйдән еракта да, солдатлар үзләрен онытмауларын һәм көтүләрен тоеп, җиңүгә омтыла.
«Без геройлар түгел, без бары башкача булдыра алмыйбыз. Халкың яу кырында булганда, йөрәк аларга ничек ярдәм итәргә икән дип тибә», – ди Мулла Иле авылыннан Лилия Садыйкова.
Бүләкләү тантанасында рәхмәт сүзләре яңгырады. Бу гади, игелекле кешеләр чын бердәмлек һәм ихласлык үрнәге — илне тотып торган тыл үрнәге булды, диелгән хәбәрдә.