Яшел Үзәндә күп катлы йортта чыккан янгында биш кешене коткарганнар
Скопировать ссылку
Яшел Үзән шәһәренең Карл Маркс урамында күп катлы йортта янгын чыккан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсендә хәбәр иттеләр. Подвалда әйберләр һәм чүп-чар янган, подъездларга ачы төтен таралган.
Урынга килгән янгын сүндерүчеләр махсус битлекләр ярдәмендә биш кешене коткарган. Тагын өч кеше мөстәкыйль рәвештә эвакуацияләнгән.
Подвалдагы янгын тулысынча сүндерелгән, аның мәйданы 50 квадрат метрга якын тәшкил иткән. Зыян күрүчеләр юк, янгынның сәбәбе ачыклана, дип хәбәр иттеләр агентлыкка ведомствода.