Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Яшел Үзәндә этләр һөҗүме турындагы эш буенча Әйшә авыл советы депутаты тоткарланды
Яшел Үзән районы Васильево бистәсендә 9 яшьлек кызга этләр һөҗүм итү турындагы эш буенча Әйшә авыл җирлеге советы депутаты тоткарланган. Ул шулай ук җирле торак-коммуналь хуҗалык департаменты белән җитәкчелек иткән. Аны вазифаи вәкаләтләреннән явызларча файдалануда шикләнәләр. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.
Тикшерү фикеренчә, ул «Кот и пес» хәйрия фонды белән хайваннарны аулау турында дәүләт контракты төзегән, шул ук вакытта ул фондның йөкләмәләрне тиешенчә үти алмаячагын белгән. Контракт суммасы 5,3 миллион сум тәшкил иткән.
Тикшерү версиясе нигезендә, депутат хуҗасыз хайваннарны аулау өчен гаризаларны вакытында җибәрүне контрольдә тотмаган. Нәтиҗәдә Васильево бистәсендә 9 яшьлек кызга этләр һөҗүм иткән. Хәзерге вакытта бала үпкәләрне ясалма вентиляцияләү аппаратына тоташтырылган, табиблар кызның гомере өчен көрәшә.
Депутат кулга алынган. Аңа якын арада гаепләү белдереләчәк.
Элегрәк шулай ук сукбай хайваннарны аулау өчен җаваплы оешма җитәкчесе белән хезмәткәрен кулга алулары турында хәбәр ителде.
Кызыклы яңалыкларны күзәтеп бару өчен Телеграм-каналга язылыгыз