Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзән районының иң өлкән кешесенә 106 яшь тулды
Яшел Үзән районының иң өлкән кешесе Әминә Гыйльманова 106 яшьлеген билгеләп үтте. Муниципаль берәмлек башлыгы Михаил Афанасьев исеменнән әбине туган көне белән аның урынбасары Николай Бызин котлады.
«Өлкән яшьтә булуына да карамастан, әби бүген дә кунаклар кабул итәргә, аларны пироглар белән сыйларга ярата. Әминә Гыйльманова үзен яхшы хис итә, шигырьләр укый, җырлый. Бүгенге көндә ул Яшел Үзәндә кызы һәм оныгы тәрбиясендә яши», - диде «Татар-информ» агентлыгына Яшел Үзән район советы аппаратының җәмәгатьчелек, гаммәви мәгълүмат чаралары белән элемтә бүлеге башлыгы Регина Чибрикова.
Әминә Гыйльманова 1916 елда Яшел Үзән районының Олы Шырдан авылында туган. Алар гаиләдә ун бала булган, шуңа күрә ул укымаган да диярлек, эшләгән һәм туганнарына ярдәм иткән. Әйтик, 1930-1947 елларда ул колхозда сыер сауган, урман посадкаларында, аннары Казан тимер юлында эшләгән.
1953-1973 елларда Әминә Гыйльманова Яшел Үзәндәге Серго исемендәге заводның химия производствосы цехында хезмәт куйган, шуннан лаеклы ялга чыккан.
Әминә Гыйльмановадан тыш, бүген Яшел Үзән районында гасыр чиген узган тагын сигез кеше яши. Быел өч кеше 100 яшьлек юбилеен билгеләп үтәчәк, өч кешегә – 101, икесенә 103 яшь тула.
Кызыклы яңалыкларны күзәтеп бару өчен Телеграм-каналга язылыгыз