Яшел Үзән прокурорының элеккеге урынбасары Иршат Яруллин вафат булган
Скопировать ссылку
Бүген 69 яшендә ТР прокуратурасы ветераны Иршат Яруллин вафат булган. Бу хакта ТР прокуратурасының матбугат хезмәте хәбәр итә.
Иршат Бикмулла улы күп еллар дәвамында прокуратурада эшләгән. Яшел Үзән прокуроры урынбасары вазифасын биләгән. Билгеләп үтелгәнчә, Иршат Яруллин республикада законлылык һәм хокук тәртибен ныгытуга шактый өлеш керткән.
«Татарстан Республикасы прокуратурасы коллективы ихлас күңелдән мәрхүмнең туганнары һәм якыннарының кайгысын уртаклаша», - диелә хәбәрдә.
Мәрхүмне бүген 12.30 сәгатьтә Яшел Үзән шәһәр зиратында җирләделәр.