Яшел Үзән кызлары чирәмдәге хоккей буенча Бөтенроссия ярышларында җиңү яулады
Скопировать ссылку
Пермь шәһәрендә 2012 елда туган һәм аннан кечерәк кызлар арасында чирәмдәге хоккей буенча «Смена» Бөтенроссия ярышлары тәмамланды. Анда 6 команда катнашты.
Татарстаннан ярышларда ике команда чыгыш ясады: «Динамо-1» (тренер Анастасия Чернова) һәм «Динамо-2" (тренер Людмила Юшкова). Бу хакта Яшел Үзән районының матбугат хезмәте хәбәр итә.
«Динамо-1» командасы 5 матчта да җиңеп, ярышларда җиңүче булды. Лидерлар өчлегенә кереп, Пермьнән «Динамо-2» командасы да «бронза» алып кайтты.
Әйтеп үтәргә кирәк, ике команда да Яшел Үзән шәһәрендә шөгыльләнә.