Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшь гвардиячеләр сугыш ветераннарының каберләрен тәртипкә китерде
Бүген «Яшь гвардия» хәрәкәте волонтерлары Казанның Арча зиратында Бөек Ватан сугышы ветераннары каберләрен тәртипкә китерде.
Яшь гвардиячеләр ветераннарның каберләрен эзләү, чистарту һәм буяу өчен зиратка җыелды.
«Бу безнең өчен бурыч түгел, ә мөмкинлек», - диде Татарстан Республикасы Яшь Гвардиясе волонтеры Линар Арсланов.
«Яшь гвардия» һәм Линар өчен бу беренче генә шундый чара түгел. Ел саен 9 Май алдыннан волонтерлар һәйкәлләр, тарихи урыннар һәм Бөек Ватан сугышы ветераннарының каберләрен тәртипкә китерү белән шөгыльләнә. Бүгенге чара шулай ук «Бөтенроссия өмәсе» акциясе кысаларында уза.
«Мин бу эш белән безнең буын Бөек Ватан сугышы ветераннарының батырлыгы турында онытмасын өчен шөгыльләнәм. Бу тагын шунысы белән әһәмиятле: мин туган илгә карата мәхәббәтне җәмгыятебезнең бер баганасы дип саныйм», - диде Линар Арсланов.
Яшь гвардиячеләр кулларына чүпрәкләр, щеткалар, чистарткычлар һәм буяулар алып, эшкә кереште. Бер сәгать дигәндә дүрт зур пакет яфрак һәм сынган ботаклар белән тулган иде инде. Яшь гвардиячеләр өчәр кешелек төркемнәргә бүленеп эшләде.
Волонтерлар бер сәгать эчендә сугыш ветераннары җирләнгән өч каберне табып тәртипкә китерде.
Кызыклы яңалыкларны күзәтеп бару өчен Телеграм-каналга язылыгыз