Ярославльдә Кырым татары Әхмәт-хан Солтан һәйкәле каршында дога укылды
Татар яшьләре һәйкәлгә чәчәкләр салды.
Скопировать ссылку
(Ярославль, 29 август, "Татар-информ", Энҗе Габдуллина). 28 август көнне татар яшьләре Ярославль шәһәрендә Советлар Союзы герое Әхмәт-хан Солтан һәйкәле янында дога кылды.
Татар яшьләре көннәре делегатлары Ярославль шәһәренә килде. Алар беренче чиратта Әхмәт-хан Солтан һәйкәленә барып, дога кылды һәм чәчәкләр салды.
"Безнең теләкне үтәп, герой милләттәшебез янына алып килгәнегез өчен рәхмәт. Без үзебезнең тарихны белергә тиеш", - диде делегатлар.
- Әхмәт-хан Солтан - Кырым татары, очучы. 1942 елның 31 мартында кылган батырлыгы өчен Советлар Союзы герое исеме бирелә. Ярославльдә һәйкәл куелган.
