Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ярлы кешеләр банкротлык процедурасын үзләре үткәрәчәк – Икътисад министрлыгы
Россиядә 900 мең сумга кадәр бурычы булган гражданнарның банкротлык процедурасын гадиләштерергә тәкъдим ителә.
(Казан, 26 октябрь, «Татар-информ»). Россиянең Икътисади үсеш министрлыгы 900 мең сумга кадәр бурычы булган гражданнарның банкротлык процедурасын гадиләштерү тәкъдиме белән чыкты, дип хәбәр итә "Коммерсантъ". Андый очракта гражданнар әлеге процедураны үзлектән, финанс идарәсе ярдәменнән башка үтәчәк дип фаразлана. Министрлык канунга тиешле төзәтмәләрне җәмәгатьчелектә фикер алышу өчен бастырып чыгарган.
Процедураны гадиләштерү 50 меңнән 900 мең сумга кадәр бурычлары булган, кредиторлар саны – уннан, ә счетлар буенча калган акча уртача ярты ел дәвамында 50 меңнән, шулай ук банкротның айлык кереме өч яшәү минимумы күләменнән артмаган гражданнарга тәкъдим ителә.
Министрлыкта әлеге процедурадан шәхси эшмәкәрләр һәм коммерция оешмаларын җитәкләүчеләр, Россиядә банкротлыкка кадәр 200 мең сумнан артык бәядәге мөлкәтен бүләк итеп, башка төбәккә күчүчеләр яки икътисади җинаятьләре өчен хөкем ителгән кешеләр куллана алмый дип белдерәләр. Процедура белән ун елга бер тапкыр гына файдаланып булачак.
Соңгы елда Россиядә физик затлар арасында банкротлыкка чыгу очраклары арта бару күзәтелә. Банкротлык мәгълүматлары тупланган федераль реестрда теркәлүчеләр саны югары ноктага җиткән – 2 меңгә якын граждан банкрот дип табылган.
Кызыклы яңалыкларны күзәтеп бару өчен Телеграм-каналга язылыгыз