«Ярдәм» фонды каршындагы тернәкләндерү үзәгендә күрмәүчеләр өчен курслар башланды
Скопировать ссылку
Бүген Гомуммилли «Ярдәм — Помощь» хәйрия фонды каршындагы тернәкләндерү үзәгендә «Йөрәк белән күрәбез һәм ишетәбез» курсларын уздыру турында матбугат очрашуы уза.
Күрмәүчеләр өчен махсус курслар Президент гранты ярдәмендә дәвам итә.
«Ярдәм – Помощь» ГХФ президенты Илһам Исмәгыйлев проектның максаты турында сөйләде.
«Хәйрия ярдәме безгә бик мөһим. Проектның максаты – ул күрмәүчеләрнең тормышын яхшырту. Моңа социаль яраклашу аша ирешеп була», – диде ул.
2023 елгы проектның бәясе 14 800 054 сум тәшкил итә. Грант күләме – 8 748 554 сум. Ким дигәндә 245 кеше өчен 7 курс үткәрү планлаштырыла.
Проект 2024 елның 31 июлендә тәмамланачак.
- Татарстан башкаласында күрмәүчеләр һәм бик начар күрүчеләр Луи Брайль системасын өйрәнә, берочтан зурайтып укучы экран каршында утыра, санак-компьютерны үзләштерә, спорт белән шөгыльләнә, дини белем ала. Курслар аралашу, тирә-якка яраклашу сәләтен, төп көнкүреш гадәтләрен формалаштыра.