news_header_top_970_100
Руc Тат
16+
news_header_bot_970_100
Хәвеф-хәтәр 4 сентябрь 2014 11:19

Яр Чаллыда апасын якларга теләп, хуҗа кунакны үтергән

Хәзер фаҗиганең барлык нечкәлекләрен ачыклауга юнәлдерелгән тикшерү гамәлләре үткәрелә

Скопировать ссылку

(Казан, 4 сентябрь, “Татар-информ”). Россия Федерациясе Тикшерү комитетының Татарстан Республикасы буенча тикшерү органнары тарафыннан 47 яшьлек Е. У. ка карата җинаять эше кузгатылган. Ул РФ Җинаять кодексының 105 нче маддәсенең 1 нче часте (үтермәкче булу) буенча җинаять кылуда шикләнелә.

Тикшерү фаразлаганча, агымдагы елның 1 нче сентябрь төнендә Яр Чаллыда ГЭС бистәсендәге йорт фатирларының берсендә, У. апасы һәм 40 яшьлек танышы белән спиртлы эчемлекләр белән кәеф-сафа корып утыра. Бу вакытта кунак шикләнелүченең апасына бәйләнә башлый. Апасын яклап кисәтү ясаган хуҗаны кунак этеп җибәрә. Нәтиҗәдә, У. кухнядан пычак алып, кунакка 16 мәртәбә кадый. Ир-ат алган җәрәхәтләрдән урында ук җан бирә.

У. җинаять кылуга катнашы булуын таныган. Хәзер фаҗиганең барлык нечкәлекләрен ачыклауга юнәлдерелгән тикшерү гамәлләре үткәрелә. Җинаять эшен тикшерү дәвам иттерелә, дип хәбәр итә Россия Тикшерү комитетының ТР буенча идарәсе җитәкчесенең өлкән ярдәмчесе.

 

 

autoscroll_news_right_240_400_1
autoscroll_news_right_240_400_2
news_bot_970_100