Яр Чаллы һәм Түбән Кама шәһәрләрендә Камал театрының гастрольләре була
Гастроль афишасында "Сөясеңме, сөймисеңме...", "Бию пәрие" спектакльләре тәкъдим ителә.
Скопировать ссылку
(Казан, 19 февраль, "Татар-информ"). 3-6 апрельдә Камал театры Яр Чаллы һәм Түбән Кама шәһәрләренә гастрольләр белән бара. Афишада популяр спектакльләр һәм премьералар була. Бу турыда театрның матбугат хезмәте хәбәр итә.
3 апрельдә Яр Чаллының "Энергетик" мәдәният сараенда "Сөясеңме, сөймисеңме..." спектаклен куялар. Биредә үк 4, 5 апрельдә "Бию пәрие" спектаклен күрсәтәчәкләр.
Түбән Кама шәһәрендәге Халыклар иҗат йортында 6 апрельдә "Бию пәрие" спектакле була.