Чаллыда чыгышы белән Минзәлә районыннан булган спортчы сурәтләнгән баннер урнаштырылды
Скопировать ссылку
Чаллы шәһәрендә чыгышы белән Минзәлә районыннан булган Ранил Заһриев фотосы төшерелгән баннер пәйда булды. Ул «Пединститут» тукталышы янында урнашкан. Бу хакта «Минзәлә-информ»га яшь спортчының әтисе, көрәш буенча мастер Ирек Заһриев хәбәр итте.
Баннерда Ранил 2022 елның маенда Иван Поддубный истәлегенә үткәрелгән Халыкара ярышларда 3 урын яулаган өчен медаль белән сурәтләнгән.
Шулай ук Ирек Заһриев Ранилнең быел август азагында Республика көненә багышланган турнирда 32 килограмм авырлык категориясендә 1 урын яулавын хәбәр итте.