Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Япония Мәдәният көнен бәйрәм итә
Дәүләт күләмендә үткәрелә торган әлеге бәйрәм император Мейдзиның туган көненә туры килә.
(Казан, 3 ноябрь, "Татар-информ"). Япониядә 3 ноябрьдә зурлап билгеләп үтелә торган бәйрәм император Мейдзиның туган көненә (1852 елның 3 ноябре – 1912 елның 30 июле; Япониянең 122 нче императоры) туры килә, дип яза Calendar.ru - “Истәлекле көннәр календаре”.
Әлеге дата Япониядә 1927 елдан бирле “Мейдзи көнен бәйрәм итү” буларак 1948 елга кадәр билгеләп үтелгән. “Милли бәйрәмнәр турында канун” нәкъ шушы елдан аны “Мәдәният көне” итеп үзгәрткән. Бәйрәмнең төп максаты – “ирек һәм тынычлык ярату, мәдәният үсешенә йогынты ясау” дип билгеләнә.
Шулай итеп, Мейдзи исеме бәйрәм атамасыннан төшеп кала, әмма нәкъ менә Япониядә Мейдзи императорлык иткән чакта бу илдә “мәдәни революция” була да инде, диелә мәгълүмати хәбәрдә.
Гадәттә бу көнне әдәбиятта, поэзиядә, сәнгать өлкәсендә уңыш казанган кешеләргә премияләр бирелә. Яшь язучыларның уңышлары аеруча зурлап билгеләп үтелә. Шул рәвешле яшьләр арасында әдәбиятны танытуга һәм үстерүгә өлеш кертелә.
Мәдәният көнендә чит ил студентлары үз илләренең мәдәниятен – милли киемнәрен, ризыгын, музыкасын пропагандалый. Яшьләр өчен бәйрәмнең иң матур өлеше кич белән - студентлар оркестры, рок- һәм джаз-музыка төркемнәре чыгышы башлангач була.
Кызыклы яңалыкларны күзәтеп бару өчен Телеграм-каналга язылыгыз