Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Янгын чыккан базар территорияләрендә яңа сату нокталары булдырылачак
Сәүдәгәрләргә, альтернатива буларак, башка базарларда 700 ләп сату урыны тәкъдим ителгән
(Казан, 20 октябрь, “Татар-информ”, Лилия Локманова). Билгеле булганча, узган атнада Казанның ике эре базарында янгын чыкты. Бүген Казан җитәкчелегенең мэр Илсур Метшин рәислегендә узган “эшлекле дүшәмбе” киңәшмшсендә Казан шәһәре Башкарма комитеты җитәкчесенең икътисади үсеш буенча урынбасары Иван Кузнецов хәбәр иткәнчә, хәзерге вакытта, янгыннан зыян күргән мәйданнарда төзекләндерү эшләре башланган.
12 октябрь көнне “Караваево” базарында булган янгын нәтиҗәсендә 150 сәүдә ноктасыннан 70 нокта тулысынча янып беткән, 60 сы зыян күргән. 13 октябрь көнне халык телендә Вьетнам базары дип йөртелә торган “Витарус” ҖЧҖ павильонындагы янгын нәтиҗәсендә 1190 сату ноктасының 960 ы янып беткән, 230 ы гына сакланып калган. Бу — 8 мең квадрат метр мәйданның 5,6 мең квадрат метры дигән сүз.
Сәүдәгәрләргә, альтернатива буларак, башка базарларда 700 ләп сату урыны тәкъдим ителгән. Сәүдә үзәкләрендә алар өчен ташламалар да каралачак. Сакланып калган сату нокталарында сатуны яңарту мөмкинлеге дә бар.
“Караваево” сәүдә үзәгендә янгыннан исән калган ит сату территориясендә, зыян күргән сәүдәгәрләр өчен 15 яңа сату ноктасы булдырылачак. Шулай ук, бу базар янында 12 өстәмә павильон урнаштырылган.
“Витарус” ҖЧҖ та булган янгын нәтиҗәсендә 600 дән артык сәүдәгәр зыян күргән, һәм 400 ләп сатучы эшсез калган. Хәзерге вакытта шәһәр җитәкчелеге, базар территориясендә, 350 яңа урын булдыру схемасын төзү өстендә эш алып бара. Параллель рәвештә, янган мәйданны чистарту эшләре дә алып барыла. Анда мәйданы 6 мең квадрат метр булган яңа сәүдә үзәге төзеләчәк.
Илсур Метшин исә, сәүдәгәрләр өчен урыннар булдырырга һәм аларга ярдәм итәргә кирәк, дигән йөкләмә бирде.
Кызыклы яңалыкларны күзәтеп бару өчен Телеграм-каналга язылыгыз