Яңартылган «Идел» журналы презентациясе Бәшир Рәмиев исемендәге IT-парк түбәсендә була
Скопировать ссылку
14 август көнне 18.00 сәгатьтә Казанның Бәшир Рәмиев исемендәге IT-парк түбәсендә яңартылган «Идел» журналы презентациясе була. Бу турыда оештыручылар хәбәр итте.
Бу кичәдә GAUGA рок төркеме, Илгиз Шәйхразиев, Лилия Хәйруллина һәм Рәдиф Кашаповтан заманча татарча җырлар; Malsi Musicтан диджей-сет; Камал театры артисты Артур Шәйдуллиннан биюле флешмоб; яшь шагыйрьләрдән шигырьләр; фуршет була.
Алып баручы - Рәдиф Әхмәдиев.
«Ачык һавада сезнең өчен журнал сатып алу зонасы да булачак. Башка тематик зоналар да эшләячәк. Керү – ирекле. Регистрация үтәргә генә кирәк. Өлгереп кал, урыннар саны чикләнгән. Без сине көтәбез!» диелә хәбәрдә.