Икътисад 24 ноябрь 2022 10:37

Яңа «Москвич» автомобиленең бәясе 1,6-2 миллион сум булырга мөмкин

Скопировать ссылку

Яңа «Москвич-3» автомобиленең бәясе 1,6-2 миллион сум тәшкил итәргә мөмкин. Бу хакта РИА Новости һәм ТАСС агентлыклары базардагы чыганакларга сылтама белән хәбәр итә.

«Аның бәясе 27-33 мең доллар (Россия Банкы курсы буенча 1,6-2 миллион сумга якын – Т-и иск.) тәшкил итәргә мөмкин. Әгәр автомобильне киләчәктә ташламалы автокредит программасына кертергә ниятләүләрен исәпкә алсак, бәясе арзанрак та булуы ихтимал», - дип искәртте РИА Новости чыганагы.

ТАСС чыганагы шул ук санны атады, әмма бу бәядә «ташламаның исәпкә алынмавын» әйтте. Икенче чыганак автомобильнең бәясе 2 миллион сум булачагы турында фикер алышулар үткәрелүен, әмма әлегә моның расланмавын искәртте. Үз чиратында, РИА Новости агентлыгының икенче бер аноним чыганагы фаразлавынча, яңа автомобильнең бәясе Кытай аналогы белән тәңгәл булырга мөмкин.

Сәхифәләр

Яңа «Москвич» автомобиленең бәясе 1,6-2 миллион сум булырга мөмкин