Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Яңа ел төнендә ишегалдында чүп калдырган өчен штраф салырга мөмкиннәр
Россия халкы Яңа ел бәйрәмнәреннән соң йорт ишегалларында һәм башка җәмәгать урыннарында чүп калдырган өчен штрафка тартыла ала. Бу хакта коммуналь хуҗалык өлкәсендә эксперт һәм җәмәгать эшлеклесе Дмитрий Бондар хәбәр итте.
Аның сүзләренчә, бәйрәм чараларында барлыкка килгән чүп вакытында чыгарылмаса җаваплылык карала. Мондый чүпкә, мәсәлән, конфетти, мишура, бенгаль утлары калдыклары һәм башка бәйрәм атрибутлары керә.
«Хлопушкалар кулланганнан соң газоннарда яки асфальтта еш кына конфетти, кәгазь һәм пластик трубкалар өелеп кала. Мондый очракта йорттагы кешеләргә Россия Административ хокук бозулар турында кодексның 8.2 маддәсе буенча штраф салырга мөмкиннәр, ул чүп белән эш иткәндә әйләнә-тирә мохитне саклау таләпләрен үтәмәү буларак карала. Гади кеше өчен бу 2–3 мең сум күләмендә штрафка китерергә мөмкин», — дип аңлатты Бондар «Абзац»ка.
Эксперт билгеләгәнчә, Яңа ел төненнән соң ишегалды чисталыгын тәэмин итү бурычы бары тик йорттагыларга гына түгел, ә идарәче компанияләргә дә йөкләнгән. Әгәр йорт яны чүптән чистартылмый икән, җаваплылык коммуналь хезмәтләргә дә йөкләнергә мөмкин.
«Әгәр ишегалды Яңа ел төненнән соң чүп белән тулган, ә коммуналь хезмәтләр аны чистартмый икән, алар да җәзага тартылырга мөмкин. Монда Россия Административ хокук бозулар турында кодексның 7.22 маддәсе кулланыла ала, ул уртак милекне тиешенчә карап тотмау турында сөйли», — дип аңлатты Бондар.
Идарәче компанияләр 40–50 мең сум штрафка, ә вазыйфаи затлар 4–5 мең сум штрафка тартыла ала.
Кызыклы яңалыкларны күзәтеп бару өчен Телеграм-каналга язылыгыз