Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
«Яңа дулкын» халыкара конкурсы Казанда узачак
Казан беренче тапкыр танылган көйләрне яшь башкаручыларның «Яңа дулкын» («Новая волна») халыкара конкурсын уздыру мәйданчыгы булачак. Фестиваль 21—26 август көннәрендә «Казан» Гаилә үзәге янындагы мәйданчыкта узачак. Конкурс финалистлары белән бергә сәхнәдә Россия эстрадасы йолдызлары Филипп Киркоров, Алсу, Дима Билан, Николай Басков, Олег Газманов, Люся Чеботина, Сергей Лазарев һәм башкалар чыгыш ясаячак.
Кичә шәһәр мэры Илсур Метшин һәм композитор, конкурсны оештыручы Игорь Крутой республика һәм шәһәр массакүләм мәгълүмат чаралары катнашында «Яңа дулкын» үткәрү карары турында игълан иттеләр, дип хәбәр итә Казан мэриясе матбугат хезмәте.
«Без бөтен команда белән 10 елдан артык бу хакта хыялландык. Ул вакытта үзебездә «Яңа дулкын» конкурсын кабул итүне хуплап, без 100 мең тере имза җыйдык һәм аларны Мәскәүгә җибәрдек. Һәм менә «Яңа дулкын» безгә килә. Без мондый чаралар өчен көрәшкәндә, безнең өчен бу бер мәйданчыкта талантларны җыю гына түгел, бу туристлык җәлеп итүчәнлеге дә, күпмилләтле Казанның потенциалын бөтен дөньядан килгән кунакларга күрсәтү мөмкинлеге дә. Без илһамлы һәм бәхетле, безне Татарстан рәисе Рөстәм Миңнеханов хуплады, без эшкә керешәбез, дулкынланабыз, стартка дүрт ай калды, барысына да өлгерергә кирәк», — дип билгеләде Казан мэры Илсур Метшин.
Конкурсны Татарстан башкаласында уздыру инициативасы беренче тапкыр 2014 елда Казан шәһәре Думасы утырышында барлыкка килгән иде. Ул вакытта Игорь Крутой Казанны Кырым, Сочи, Баку һәм Калининград белән беррәттән фестиваль уздыру мөмкин булган урыннар арасында караган. Башта, 2002 елдан башлап, «Яңа дулкын» Юрмалада (Латвия) уздырылды, конкурсның беренче җиңүчесе Smash!! төркеме булды.
2015 елдан 2019 елга кадәр конкурс Сочида, ә 2021 һәм 2024 елларда – «Сириус» федераль территориясендә узды. Озак еллар дәвамында фестивальнең алыштыргысыз режиссер-куючысы — Александр Ревзин. «Мин бу шәһәрдә булуыма шатмын, «Яңа дулкын»ның нәкъ менә Казанда узуына шатмын. Бу шәһәр белән мине бик күп нәрсә бәйли, бу шәһәр музыка, мәдәният белән тулган. Мин Казанны бик яратам, мин барысына да бу шәһәр мәдәни объектлар буенча иң текә шәһәр дип әйтәм. Фестиваль шәп узар дип ышанам», — диде Игорь Крутой.
Кызыклы яңалыкларны күзәтеп бару өчен Телеграм-каналга язылыгыз