Яңа Чишмәнең Чертуш авылында балаларны «Кар суына» бару йоласы белән таныштырганнар
Скопировать ссылку
Яңа Чишмә районының Чертуш авылында бик матур борынгы чара үткәргәннәр. Язның иң матур көнендә балаларга авылның иң борынгы йоласы – «Кар суына» бару күрсәтелгән. Бу хакта «Яңа Чишмә хәбәрләре» Чертуш авылы мәдәният йорты мөдире Рәмзия Мусинага сылтама белән яза.
«Кар суы - иң йомшак су. Шуңа күрә, борынгы әби -бабаларыбыз бу суны яратып кулланган. Чөнки ул күз тигәннән, авыру-сырхаулардан да дәва булган. Кар суын күбрәк җыеп калырга тырышканнар. Су алганда, теләкләр теләгәннәр. Суга килгәч, кардан ачылган урында күңел ачканнар: уеннар уйнаганнар, жырлаганнар, биегәннәр. Олылар тәмле күмәч пешереп, балаларны сыйлаган, уңыш алып килүче Язны шулай каршы алганнар», диелгән хәбәрдә.