Яңа Чишмә районы Бакташ авылында Корбан ашы һәм Авыл көне үткәрелде
Скопировать ссылку
Яңа Чишмә районы Бакташ авылында берьюлы ике зур чара - Корбан ашы һәм Авыл көне үткәрелде. Җыенны авылдашларына матур теләкләр һәм Коръән аятьләре белән Хамис хәзрәт ачып җибәрде. Бу хакта «Яңа Чишмә хәбәрләре» сайтында Лилия Фәттахова яза.
Җыенга төрле шәһәрләрдән 150 дән артык авылдашлар кайтты, кунаклар да чакырылды, алар арасында меценат Рифкать Закиров, район Советы аппараты җитәкчесе Илдар Фәйзуллин да бар иде, диелгән хәбәрдә.
Килгән кунакларны авыл җирлеге башлыгы Альмира Нәҗметдинова һәм Илдар Фәйзуллин котладылар.
Бәйрәм төрле яшьтәге авылдашларны бергә җыйды, хатирәләр барланды, балалар өчен уеннар үткәрелде.