Ямашев проспектындагы алты юл-транспорт һәлакәте Казанда җиде баллы бөке тудырган
“Яндекс.Бөке” сервисы Казанда җиде юл-транспорт һәлакәтен һәм өч урында юлларда ремонт эшләре баруын күрсәтә.
(Казан, 23 гыйнвар, “Татар-информ” ). Казанда бөкеләр җиде баллга җитте. Бу хакта “Яндекс.Бөке” сервисы мәгълүматлары дәлилли.
Сервис Казанда җиде юл-транспорт һәлакәтен һәм өч урында юлларда ремонт эшләре баруын күрсәтә. Юл-транспорт һәлакәтләре юлларда буран туктамавы һәм күз күреме начарлану белән дә килеп чыга.
Яңа Савин, Совет һәм Вахитов районнарында юл-транспорт һәлакәтен күрсәткән билгеләр бар. Ямашев проспектында юл-транспорт һәлакәтененең аеруча туплануы күзәтелә – анда биш һәлакәт булган, янәшәдәге Әмирхан урамында – тагын бер юл-транспорт һәлакәте.
Шунлыктан Ямашев проспектында машиналар хәрәкәте сәгатенә 5 чакрымнан артмый.
