Ямашев урамында чыбык өзелү сәбәпле, Казанда трамвай маршрутлары вакытлыча туктаган

Скопировать ссылку

Бүген Казанда Адоратский һәм Ямашев урамнары киселешендә контакт челтәре зарарланган.

«Метроэлектротранс» МУП хәбәр иткәнчә, шуның аркасында 5, 5а, 6, 7 номерлы трамвай маршрутлары хәрәкәте вакытлыча туктатылган.

Моннан тыш, 1, 2, 13 нче троллейбус маршрутлары хәрәкәте туктатылды.

Урында предприятиенең авария хезмәтләре эшли. Казанлыларга алдан ук үз маршрутларын планлаштырырга киңәш итәләр.