Җәмгыять 29 июль 2019 17:43

Яман шешне ачыклаган табибларга премия бирергә тәкъдим итәләр

Карар 2020 елның 1 гыйнварыннан үз көченә керергә тиеш.

Скопировать ссылку

(Казан, 29 июль, «Татар-информ»). Россия Сәламәтлек саклау министрлыгы диспансерлаштыру һәм профилактик тикшерү вакытында пациентларда онкологик авыруларны ачыклаган өчен докторларны акчалата бүләкләргә тәкъдим итә. Әлеге закон проекты норматив хокукый актлар проектларының федераль порталында урнаштырылган. Бу хакта «Известия» хәбәр итә.

«Территориаль фонд бюджетыннан беренче тапкыр ачыкланган онкология авыруының һәр очрагы өчен 1 мең сум күләмендә акча бирелә. Диагноз тиешле диагностик тикшеренүләр нәтиҗәләре белән расланган булырга тиеш», — диелә документта.

Проектта Диспансеризация һәм профилактик күзәтү тикшерүен оештыру һәм үткәрү өчен җаваплы табиб-терапевтлар, фельдшерлар, шулай ук диагноз тикшерүләрен билгеләгән һәм онкологик авыру булган пациентка үзвакытында диспансер күзәтүен билгеләгән медицина хезмәткәрләре 500 сум күләмендә акча алачак, дип яза «Газета.Ру».

Бюджетара трансфертлар финанс белән тәэмин итү чыганагы булачак, дип ачыклый «360» телеканалы.

Карар 2020 елның 1 гыйнварыннан үз көченә керергә тиеш.

#сәламәтлек саклау министрлыгы #яман шеш

Сәхифәләр

Яман шешне ачыклаган табибларга премия бирергә тәкъдим итәләр