Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Төмән өлкәсендә укучылар өчен «Мәчеттә язгы игелек көннәре» очрашулар циклы үтте
24-29 мартта мәктәпләрдә каникуллар вакытында Төмән өлкәсе Ялуторовск шәһәре мәчетендә укучылар өчен «Мәчеттә язгы игелек көннәре» дигән традицион очрашулар үткәрелде. Җиде яшьтән алып ундүрт яшькә кадәрге егермегә якын мөселман кызлар һәм малайлар атна дәвамында татар халкының рухи мәдәнияте нигезләре белән танышты. Бу хакта Россия Федерациясе мөселманнары Диния нәзәрәтенең Мөфтиләр шурасы хәбәр итә.
Программа кысаларында балаларны якшәмбе мәктәбе укытучысы Рәйханә Баязитова Ислам дине нигезләре һәм Аллаһ Тәгаләнең китабы – Коръән белән белән таныштырды. Ялуторовск шәһәре Милли мәдәниятләр үзәгенең татар бүлеге белгече Зөһрә Кожевникова катнашучыларга татар халкының үзенчәлекле мәдәниятен, гореф-гадәтләрен һәм традицияләрен күрсәтте. Балалар татарлар арасында популяр булган «Карга боткасы» язгы бәйрәмендә катнашты.
Район мөселманнарының дини лидеры Раил хәзрәт Мәхмүтов балалар белән мөселманнарның әхлакый кыйммәтләре, тормышны Ислам кануннары нигезендә коруның мөһимлеге турында әңгәмәләр үткәрде, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз