Ялларда Татарстанда томан, буран һәм көчле җил көтелә
Скопировать ссылку
Шимбә, 3 февральдә, Татарстан территориясендә болытлы һава торышы һәм җепшек кар көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Төнлә һәм иртән томан, ә көндез буран фаразлана. Көчле җил көтелә, көндез аның тизлеге секундына 17 метрга кадәр җитәргә мөмкин.
Төнлә һава температурасы -3..-8 градус, көндез 0..-5 градус була. Синоптиклар юлларда бозлавык булуы турында кисәтә.