Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Ялларда буран һәм юеш кар көтелә
Юлларда бозлавык саклана
(Казан, 16 январ, «Татар-информ», Ирина Игнатьева). Крещение бәйрәме көнендә 3 градус салкыннан алып 2 градуска кадәр җылы көтелә. Буран һәм юеш кар ихтималы бар. Бу хакта "Татар-информ" агентлыгы хәбәрчесенә ТР Гидрометеорология һәм әйләнә-тирә мохит мониторингы идарәсенең метеорология фаразлары бүлеге башлыгы Ирина Трущина белдерде.
Алдагы төндә аязучан болытлы һава. Урыны белән бераз кар. Республиканың кайбер районнарында томан булу ихтималы бар, төньяк-көнбатыштан исүче җил көньяк-көнбатышка алмашыначак. Көчәйгәндә җил тизлеге 3-8, урыны белән 12 метрга кадәр җитәчәк.
Төнлә 4-9 градус салкын. Аязган вакытта 15 градуска кадәр суык. Көндез 3-8 градус салкын. Юлларда - бозлавык, урыны белән көчле.
Якшәмбе, 18 гыйнварда, төнлә аязучан болытлы һава. Иртән һәм көндез күпчелек районнарда бераз кар, буран булуы бар. Көньяк-көнбатыштан исүче җилнең тизлеге - 7-12, иртән һәм көндез урыны белән 17 метрга кадәр җитәргә мөмкин.
Төнлә 5-10 градус салкын. Аязган вакытта республиканың көнчыгышында 13 градуска кадәр суык. Көндез 1дән 6 градуска кадәр салкын. Юлларда бозлавык саклана.
Дүшәмбе, 19 гыйнварда, төнлә болытлы һава. Юеш кар явачак, урыны белән буран булуы ихтимал. Төнлә 1дән 8 градуска кадәр салкын, көндез 3 градус салкыннан 2 градуска кадәр җылы. Юлларда - бозлавык.
Кызыклы яңалыкларны күзәтеп бару өчен Телеграм-каналга язылыгыз